سالمان الفقي
علشان محدش يتعاطف مع المخلوع هفكركوا بانجازته :
عيشتنا في جوع ومرض وحرمان 30 سنة وكنت عايز المحروس إبنك يكمل علينا 30 سنة تانيين .
سبت شبابنا يموتو في قوارب الموت على شواطئ إيطاليا .
سبت البطالة تحاصرنا وتخنقنا
سبت كلاب أمن الدولة تنهش في جسمنا وترهبنا وتنتهك أعراضنا .
أقسام الشرطة في عهدك بقت أوكار للتعذيب وإهانة المواطنين .
سبت شعبك يسكن في المقابر مع الأموات وإنت نايم في قصرك.
ما شفناش ناس بتاكل من صناديق الزبالة إلا في عهدك .
ما عرفناش ظاهرة إسمها أطفال الشوارع والعشوائيات إلا في عهدك .
ما شفناش ناس بتموت في طوابير العيش والغاز إلا في عهدك .
خليت مهية المواطن ما تكفيهوش لحد خامس يوم في الشهر .
سبت التجار يحتكروا أقواتنا ويلعبوا بينا ويرفعوا الأسعار زي ما هم عايزين .
سبت مرض الكبد الوبائي ينهش في أكباد الشعب المصري .
أكلتنا قمح مسرطن ، ولحوم فاسدة ، ومواد منتهية الصلاحية ، وشربتنا مية المجاري لحد ما انتشر فينا السرطان والفشل الكلوي وكل أمراض الدنيا المستعصية .
سبت المزارعين إللي ما عندهمش ضمير يأكلونا خضروات مسقية بمية المجاري .
سبت الحرامية ينهبو ثروات البلد وثروات الشعب ويهربوها برة البلد.
التعليم في عهدك بقا زبالة .
الرعاية الصحية في عهدك بقت زبالة .
الزبالة وطفح المجاري في عهدك بقا الصفة المميزة للشارع المصري .
كل حاجة في عهدك بقت ملوثة .. الهوا ، والمية ، والنيل ، والشوارع ، والسياسة ، والفن ، وحتى ضماير الناس بقت ملوثة .
حرمتنا من الحرية وزورت الانتخابات وسلمت البلد للبلطجية يتحكموا فيها .
سبت حرامية السلطة يبيعوا ممتلكات مصر وأراضي مصر بأبخس الأثمان للتجار وللمستثمرين .
في عهدك بقى الشعب يموت بالميات والآلاف في العبارات ، وفي حوادث القطارات ، وتحت أنقاض العمارات وصخور الجبال .
خليت شوية عيال يحتكروا الحياة كلها في مصر ويقسموها بينهم وكأنها عزبة ورثوها من أهاليهم .
في عهدك بقت مصر من أكتر دول العالم نسبة أمية وناس عايشة تحت خط الفقر .
بعت الغاز للصهاينة بأبخس الأثمان .
الفساد في عهدك بقى للركب ... (بشهادة سكرتيرك الدكتور زكريا عزمي)
كرامة المواطن المصري برة بلده ما تهانتش واتمسح بيها الأرض إلا في عهدك .
عيشتنا 30 سنة تحت حكم قانون الطوارئ وكأننا أعداء ليك مش شعبك اللي المفروض تحميه وتسهر على راحته .
سبت كلاب أمن الدولة يزرعوا بذور الفتنة الطائفية بين أفراد الشعب المصري المسالم علشان يقدروا يسيطروا عليه .
حرمت مصر من واحد من أهم مصادر الدخل ليها وتشغيل العمالة وهو زراعة القطن ، إللي كان قبل عهدك أفضل قطن في العالم .
خليت شعبك يشرب المية من الجراكن ، ويستنى فناطيس المية يا جت يا مجتش ، والنيل ماشي قدام عينيه وهو عطشان ، وزرعه عطشان ، وكلاب السلطة عمالين يسقوا ملاعب الجولف بتاعتهم من مية الشعب المصري الغلبان .
، مصر ، بلد النيل ، عرفت في عهدك بس حاجة إسمها (الفقر المائي) .
سبت حرامية الأراضي يجرفوا الأرض الزراعية اللي حيلتنا ويحولوها لعمارات ومنتجعات .
في عهدك ضاع البحث العلمي ، وهاجر العلماء للخارج ، وخرجت الجامعات المصرية من التصنيف الدولي لأفضل الجامعات .
ضيعت أموال الشعب المصري في مشاريع فاشلة في توشكى وترعة السلام ، وغيره ..
التحرش الجنسي ، والبلطجة ، وفساد الذمم والأخلاق كان سمة أصيلة من سمات عهدك .
حاصرت أهلنا في غزة ووطيت راسنا قدام أشقائنا العرب .
مكانة مصر في عهدك على المستوى العربي والإفريقي والدولي بقت في الحضيض .
أنا مش آسف يا ريس ...... علشان إنت كان لازم تمشي من زمان ، وتتخلع من زمان ، وتتحاكم من زما
» المهندسين خ
» المهندسين خ
» تليفونات برنامج صبايا الخير بقناة النهار
» طلب مساعده عاجل
» اغاثه
» موضوع مهم جدا وأرجو ألا تغفلوا عنه وأرجو ابتواصل
» موضوع مهم جدا وأرجو ألا تغفلوا عنه وأرجو ابتواصل