جو الريف

رامى محمد زين يكتب: جو الريف





صورة أرشيفية


ياسلام على جو الريف
ريحه على القلب خفيف
ولاّ على أكله الصحى
المغذى المفيد النضيف
ياسلام على فطار الصبحيه
ف وسط الغيط أو ع الزراعيه
فطير وعسل وجبنه قريش
مفروشين ع الأرض أو ع الطبليه
ياسلام على شاى العصريه
ف حته تكون ضله شويه
قدام البيت أو ف الغيط
وأنا قاعد لابس جلابيه
ياسلام على سواقة الجرار
ولاّ على ركوب الحمار
ولاّ على الرجوع م الغيط بالبهايم
لمّا الشمس تغرب أخر النهار
يا سلام على شكل الزرع
ولاّ طعامة بعد القلع
حاجه تشرح القلب بصحيح
وخصوصاً قلب اللى زرع بالطبع
ياسلام على جو الريف بيفرحنى
وريحه على القلب خفيف وبيريحنى
وأكتر حاجه بطّمنى إنى لو توهت هناك
الحمار اللى انا راكبه عارف طريق البيت وهيروحنى