نصايح للبنات من هذة الغلطات

ايتها المزة أرجوكى ابتعدي عن هذه الأشياء ....


• أرجوكي ... اذا كنتي محجبة ابتعدي عن موضة (الأباجورة) أي (شعر تحت الطرحة مرفوع 3 متر بتوكة ورد في أغلب الأحوال تكون اما حمراء أو تركواز اللون).

... • أرجوكي ... ان كنتي عاشقة للميكب فهذا من حقك لكن لاداعي لـكريم الاساس (الأوفر) في وجهك فتكوني عبارة عن (جير حي يسير على الارض) بالاضافة الى أنه يظهر وجهك أغمق 85 درجة

• أرجوكي ... لاداعي أن ينسدل من حجابك على جبينك بعض الشعيرات (الأوصة) فالرجال لم ينخدعوا بهذه الشعيرات التي تقومي (بفردها) صباح كل يوم )

• أرجوكي ... (شيلي) الموبايل من تحت الطرحة فيه اختراع اسمه هاند فري .

• أرجوكي ... عندما تصلي في مسجد (ماتفتيش) ماتحسسيش اللى قدامك انها داخلة الاسلام جديد هي عارفة كتير عنه بس بتاخد وقتها عادي يعنى !


• ارجوكي ... ان شاهدتى قطة لون عينها أخضر لامع أو كلب (بيقول هو هو) أو نملة (صباعها مقطوع) أو صرصار (عينه الشمال واجعاه) لاتصرخي في الشارع !!! يكفي (شهقة) بسيطة ستفي بالغرض (آه وربنا) !

• أرجوكي ... أوصيكي وفمك باللبان (كفاية طرقعة) (كفاية كل جوارحك تتحرك مع اللبانة) بس كدة !

• أرجوكي ... ان كنتى تضعي طلاء أظافر - مانيكير - لا تتركيه حتى ينتزع نصفه من أظافرك (هو أسيتون بــ 3.5 جنيه هيعمل شغل عالى)

• أرجوكي ... ابتعدي عن (ضم الشفايف) أثناء التصوير ففي بعض الاحيان تنقل للآخرين احساس بضرورة عمل (تقويم) لأسنانك !

• أرجوكي ... لا ترددي الكلمات الآتية بهذه الطريقة (موش بعرف) ، ( انتي موش قلتيلي) ، (موش كنت شايفاكي سوري حياتي) ... لإنها في حقيقة الأمر (بتقلب بدلع مــــاســــخ) .

• أرجوكي ... اذا كنتي تجدي نفسك في أي مما سبق (ماتزعليش من كلامي ) أو ازعلي بقى هعمل ايه يعنى أنا نصحتك وعملت اللى عليا