الحشوات بالخلطات السرية

بسم الله الرحمن الرحيم

السلام عليكم ورحمة الله تعالى وبركاته

والصلاة والسلام على رسول الله محمد صلى الله عليه وأله وصحبه وسلم

حبيباتي وأخيراً ويعد سنين طويلة لحتى عرفت حط وصور هالوصفة

رح أحكي لكم قصة صغيرة

أول ما تزوجت ما كنت بعرف ساوي غير قلي البيض وبس

وصبر علي زوجي أسبوعين بعدين شمر عن ساعديه وصار يعلمني الطبخ

ما شاء الله عليه عفكرة هو أحسن مني بالطبخ بكثير ما شاء الله عليه

وصرت جرب وحاول وأتذكر طبخات أمي وشلون كنت ساعدها بالطبخ وخطواته

والحمد لله حتى أن زوجي مرة كان عنا عزيمة وكنت مساوية كتير أنواع أكل وحلويات

فسألوه عن كم طبق حلويات فقال لهم : طبخ مرتي اللي ما كانت تعرف تطبخ شي أول ما تزوجتها

حينها بهت أحد أصدقاءه وقال له : معقول كل هالأطباق هلأ وقبل أربع سنين ما كانت بتعرف شي

ما عم أحكي هالكلام كله للافتخار لا والله العظيم، بس عم أحكي أنه الواحدة منا

لا تقول ما بعرف ومستحيل جرب هالوصفة،

ليش شو المانع جربيها وطبقيها ولو عجبتك كرريها وأكيد ما كان حدا ساواها لو ما طيبة

المهم من كل هالقصة بدي قول رسالة صغيرة لكل أخت تخاف تجرب شيء

أو لكل أخت بعدها جديدة بزواجها وما بتعرف تعمل شي

لا تكوني جبانة وعفواً على هالكلمة، حاولي وجربي ولو خربت معك وصفتين ثلاث طبخات لا تستسلمي

والحلويات فن ومحبة ، الفن بيجي بأنك تختاري ما يناسبك ويناسب عائلتك وتحطي محبتك فيها خلال عملها

مو بيقولوا الطبخ نفس كمان الحلويات نفس

وكل هالسيرة وكل هالقصة وكل هالكلام لحتى قول البف باتيسري كنت شوفها

عند كتير ناس يضيفوها بس كنت جبانة كتير لحتى جربتها

وبالنهاية جربتها وصرت أضحك على حالي بأني كنت جبانة كل الفترة اللي قبل

ما خليها من أطباق حلوياتي المفضلة

طولت عليكم ما هيك بس يلا شو بدكم تعملوا فايقة من الصبح والكل راح من البيت

وما في حدا أحكي معه غيركن حبيباتي بالمنتدى

تفضلوا الوصفة:

الحشوات عملتها ثلاثة حشوات

حشوة الفستق: فستق مبشور بمقدار نصف كاسة

مع ملعقتي جوز هند وملعقتي قطر نخلطهم

حشوة الجوز: جوز مقطع بمقدار نصف كاسة

مع ملعقتي جوز هند وملعقتي قطر نخلطهم

حشوة القشطة:

القشطة عملتها بالبيت وهي سهلة كتير



بس علبة قشطة + أربع ملاعق حليب بودرة + أربع ملاعق سكر

+ ثلاث ملاعق طحين + كاستين ماء

نضيف الطحين على الماء البارد ونحرك حتى يمتزج ثم نضيف باقي المقادير

ونحرك حتى يمتزجوا أيضاً ثم نضعهم على النار ونحرك حتى يثخنوا

ثم نضيف علبة القشطة ونحرك جيداً نتركها لتبرد

لا نحشي والقشطة ساخنة

وبلشت بعمل مثلثات البف باتيسري

بإمكانك غلق الأطراف بالشوكة بعد ثني العجينة بشكل مثلث



لا تضعي الكثير من الحشوة حتى يغلق المثلث جيداً


اشويهم بالفرن



وهيدا هو كان تقديمي للطبق تفضلوا:






وهيدي صورة للطبق كمان بس مع اطلالة صغيرة للشارقة



لازم تجربوها لو حابين تأكلوا حلو خفيف وما تندموا على الوزن فيما بعد

منقول