*مقبلات متميزه♥♥♥ بطاطا الجيش اللذيذة ♥♥♥♥♥♥من عاشقة الحلويات سهلة وخفيفة ولذيذذذذذذة

بسم الله الرحمن الرحيم

السلام عليكم ورحمة الله تعالى وبركاته

والصلاة والسلام على سيد المرسلين

سيدنا محمد صلى الله عليه وآله وسلم

العنوان غريب ما هيك

لما بيسألني ابني شو طابخة اليوم

بخبره أني طابخة بطاطا الجيش ههههههههههه

بيفرح كتير ما شاء الله عليه لأنه بيحبها

هيدي الطبخة مثل ما خبرتكم من قبل ما كنت بعرف أطبخ

فلما علمني زوجي أول ما علمني هالطبق من البطاطا

وكنا ولا زلنا نأكلها على الغداء أو العشاء

وهي سهلة جداً وبسيطة جداً ولذيذة جداً جداً

يعني حقوق هالوصفة خاصة بزوجي ما شاء الله عليه

لأنه كان بيعمل هالطبخة لما كان بالجيش

بتعرفوا بالجيش لوحده وما في حدا يعتني به ورغم أنه كان ضابط

وكان عنده حاجب بس ما يوثق به ليطبخ له فكان يطبخ لنفسه ما شاء الله عليه

يلا نبلش:


نقطع البصل ناعم ونضعه على النار مع زيت الزيتون والملح والبهارات

نقلب حتى يتحمر البصل ونسوي لحمة ناعمة مع البصل

يعني مثل ما بيقولوا لحمة معصجة

ثم نضع فوق الجميع البطاطا المقشرة والمقطعة لقطع صغيرة



نضيف الماء حتى نغمر البطاطا والبصل ونقلبهم مع بعض



ثم نغطي الطنجرة ونخفض النار عليهم

نتركهم حتى تستوي البطاطا وتنشف المياه قليلاً

عملت بالصور جزئين منها

جزء خليته على حاله

وجزء حطيت فوقه بيض مخفوق

وانتظرته حتى ينشف البيض ويستوي



وهيدي هي النتيجة النهائية:




ولكم مني كل المحبة والود

أختكم

أم محمد