ممنوع الجواز من غير حجاب

صباح الخير أصدقائي , باختصار مشكلتي اني مخطوبة من فترة قريبة وخطيبي يبقى ابن خالتي , المفروض اننا اليومين دول بنتكلم في آخر تفاصيل الإتفاق على الفرح علشان فرحنا هيبقى بعد العيد بكام يوم ان شاء الله يعني قرب , لكن المشكلة ان خطيبي مصمم على اني اتحجب قبل ما نتجوز وانا عارفة ان مسيري هعمل ده لكن عايزة اعملة برضايا مش بالإجبار لأنها في الآخر دي علاقتي بيني وبين ربنا هوة ملوش يدخل فيها , بعدين الحجاب ماله ومال الأخلاق ماحنا ياما بنشوف ومش لازم اتكلم ! من فضل الجميع يدلني على حل علشان مش ممكن هخسر خطيبي علشان السبب ده وفي نفس الوقت انا مقتنعة بوجهة نظري , اللي غايظني اننا متفقين في كل حاجة والموضوع ده بالذات هوة نفسه ماتكلمش فيه غير من قريب واكنه قاصد ييجي معاد الفرح يحطني قدام الأمر الواقع , رأيكم ايه من فضلكم وارجو من الأصدقاء المتشددين لو عندهم كلمة خير يقولوها .. مفيش يبقى الصمت افضل علشان بالنسبالي دي مشكلة بجد وارجو احترام حرية البني آدمين .. شكرا





الحجاب فرض وليس فقط طاعة لخطبيك ولكن طاعة لله تعالى فالذى يخاف الله ما ينخاف منة وأحمدى ربك أن خطيبك يبحث عن الألتزام