ماسك الأرز لتفتيح البشرة

ماسك الأرز لتفتيح البشرة

[url=http://www.masress.com/author?name=روزاليوسف اليومية]روزاليوسف اليومية[/url]نشر في روزاليوسف اليومية يوم 29 - 10 - 2012
المقادير:

ملعقة كبيرة رز بلدى مطحون

ملعقة كبيرة ترمس مطحون

½ ملعقة صغيرة كربوناتو

الطريقة:

إخلطى المقادير دى كلها مع بعض، وشيليها عندك فى برطمان زجاجي، ولما تيجى تستخدميه اعجنيه بمقدار مناسب من المية السخنة، وهتحسّى إن فيه فوران خفيف لما تضيفى الميه عليه بسبب الكربوناتو، اللى بيعتبر من الحاجات المفيدة جدا لتفتيح البشرة، وكمان بيشيل الحبوب الصغيرة، وبيزيل الدهون عن بشرة الوش والجسم، وبيطرّى البشرة جدا.

بس خلّى بالك لو بشرتك جافة شوية ممكن تستبدلى الترمس بالحمص مطحون.

بعد ما تضيفى الميه وتبقى العجينة ليّنة، افرديها على بشرتك وسيبيه لمدة من 15 : 20 دقيقة بس.

الماسك ده بيساعد فى تفتيح بشرة الوش والجسم، لكن ما ينفعش إننا نستخدمه فوق وتحت العين، وممكن نعمله مرة كل أسبوع أو أسبوعين.