أبا أوصّف الخوّه حسب منطق العقّال

بقلم : محمد ابوعزرا
أبا أوصّف الخوّه حسب منطق العقّال
وأبا أميّز المخطي وأبا أميّز الصايب

خويٍ لو يميل الدهر بالوفاء ما مال
نهج منهج الوافين مع منهج الشايب
...
نهض صيته بفعله شجيع وكريم إسبال
وماهو عن الموقف ليا صوّتو غايب

هذا خوته فيها الشرف ما عليه إجدال
ينومسك ما أنته فيه خاسر ولا خايب

وخويٍ على ماقيل تلعبّه الاقوال
مع الناس لا ودى ولا هو لهم جايب

نصيحه ترى الخوه لها يالرجال إجلال
لكّن احذرو من خوّة الخايب العايب

ورى المصلحه يمشي معك لو زمانه طال
وإذا أحتجت له تلقاه من خوتك تايب