سارعوا في جني الصدقات

سارعوا في جني الصدقات

أخواني وأحبائي في الله نعلم جميعا أن طرق الخير كثيره ومتعددة ولكن في كل طريق من هذه الطرق نجد من جنود عدوا الله إبليس من يقف لنا ليمنعنا من الاستزادة من الخير .. ولكن هيهات هيهات فنحن لهم بالمرصاد .. ومهمتنا التالية هى مسابقة فى جنى الصدقات و سوف تنقسم إلي قسمين :

القسم الأول :- سوف نذكر فيه ببعض أوجه الصدقة بغرض تحقيقها كلها بإذن الله .
القسم الثاني :- فهو التطبيق العملي وهو يتعلق بالصدقة الجارية .

القسم الأول :- بعض أوجه الصدقة
عن أبي موسي رضي الله عنه عن النبي صلي الله عليه وسلم قال :
( علي كل مسلم صدقه .قال أرأيت إن لم يجد ؟ قال يعمل بيده فينفع نفسه ويتصدق ، قال أرأيت إن لم يستطع ؟ قال يعين ذا الحاجة الملهوف قال أرأيت إن لم يستطع ؟ قال يأمر بالمعروف أو الخير ، قال أرأيت إن لم يفعل ؟ قال يمسك عن الشر فإنها صدقه)
متفق عليه

إيه رأيكم في حلاوة الإسلام يا شباب ..كف الأذى عن الناس صدقه .. احنا عايزين نعمل كل إلي فات إيه رأيكم .. لا ولسه جاي تاني تعالوا نشوف تاني حديث معانا بس ركزوا في كل الأحاديث ده كلام الحبيب محمد صلي الله عليه وسلم.

عن أبي ذر رضي الله عنه أن رسول الله صلي الله عليه وسلم قال
( يصبح علي كل سلامي من أحدكم صدقه . فكل تسبيحه صدقه . وكل تحميده صدقه . وكل تهليله صدقه . وكل تكبيره صدقه . وأمر بمعروف صدقه . ونهي عن منكر صدقه . ويجزئ من ذلك ركعتان يركعها من الضحى) رواه مسلم .

التسبيح والتكبير والتحميد والتهليل مين فينا بيعملهم في وقت فراغه ؟؟ جاوب نفسك بصراحة .. ليه منتغيرش شويه واقل القليل نحافظ عليهم بعد صلواتنا .. وكمان صلاه الضحى .. إيه رأيكم نحافظ عليها ..هنحاول صح طب هنشوف إيه معانا تاني .

عن أبي هريره رضي الله عنه قال : قال رسول الله صلي الله عليه وسلم ( كل سلامي من الناس عليه صدقه . كل يوم تطلع فيه الشمس تعدل بين الاثنين صدقه وتعين الرجل علي دابته صدقه فتحمله عليها أو ترفع له عليها متاعه صدقه .والكلمة الطيبة صدقه . وبكل خطوه تمشيها إلي الصلاة صدقه وتميط الأذى عن الطريق صدقه ) رواه البخارى و مسلم

قال رسول الله صلي الله عليه وسلم ) لقد رأيت رجلا يتقلب في الجنة في شجره قطعها من ظهر الطريق كانت تؤذي المسلمين ) رواه مسلم

يعني عندنا ممكن تعين حد علي حمل أشياءه رجل كبير أمراه كبيرة البنات تبعد عنهم ........ طبعا إلا لو فيه داعي قوي جدا أو طلبت منك مساعده .. تخيل ممكن لو زقيت لراجل عربيه تكون صدقه متضحكش ديه حقيقة ..( أماطه الأذى) .ها أحكي ليكم قصه صغيره حقيقيه ... حيوان ميت ومتعفن في منتصف الطريق لو شفته هتقرب منه طبعا لا ها تقرف .. طب إيه رأيك أنا اعرف واحد كمم نفسه وشال الحيوان ده ورماه في مكان القمامة .. بس تخيل حجم الثواب إلي أخذه فكر في نفسك لو مكانه هتعمل كده .. الموضوع صعب بس ربنا كريم جدا جدا وممكن بسبب التصرف ده بس الشخص ده يدخل الجنة .. هي الجنة مش غالية ولا إيه .. ...........................!
نكمل

قال رسول الله صلي الله عليه وسلم ) تبسمك في وجه أخيك صدقه (
الق أخاك بوجه طلق
بلاش تكشير حتي لو مضايق من حاجه اكتم في نفسك وكن بشوش حتي يحبك الناس بشوش يعني مبتسم مش تمشي فاتح بقك تضحك بصوت عالي أو وحده تقابل زميلتها تقوم تسلم عليها وتضحك معاها بصوت عالي في الطريق ده طبعا غلط المهم نكمل ..................

عن أبي موسى الأشعري قال: قال رسول الله صلي الله عليه وسلم:-
) لا يغرس مسلم غرسا ولا يزرع زرعا فيأكل منه إنسان ولا دابة ولا شئ إلا كانت له صدقه(

يا بخت الفلاحين شغالين صدقات ممكن ناخد الأجر ده بالنيه .. الرسول بيقول كل معروف صدقه ..

طب خير خير عرفنا كذا نوع من الصدقات ياريت نقوم بيهم كلهم زي إيه:-
1 - كف الأذى عن الناس
2 - اعانه ذا الحاجة
3 - أمر بالمعروف ونهي عن منكر
4 - التسبيح والتحميد والتكبير
5 - ركعتي الضحى
6 - الإصلاح بين المتخاصمين
7 - أعانه الرجل علي متاعه
8 - المشي إلي المسجد ) صلاه الفجر يا شباب ( والبنات بالنيه
9 - أماطة الأذى عن الطريق
10 - التبسم في وجه أخيك
11 - الزرع والحصاد


طبعا فيه كتير تاني وياريت إلي عنده نوع تاني من أنواع الصدقات ذكر في حديث أو ايه في القران يكتبه و يرسله لنا علشان نحاول نطبقه ..
طب ده القسم الأول طب الثاني

طبعا الواجب العملي يعنى يكون فيه حاجه بنعملها كلنا مع بعض شئ مادي ملموس مش كفاية الكلام .. طيب اسمعوا معايا الحديث ده ...........

قال رسول الله صلي الله عليه وسلم فيما معناه . إذا مات ابن ادم انقطع عمله إلا من ثلاث
(صدقه جاريه أو علم ينتفع به أو ولد صالح يدعوا له)

أظن الرؤيا وضحت الصدقة الجارية .. طب أزاي ؟ بصوا يا شباب ..
مطلوب من كل واحد مننا انه يقوم بشراء مصحف أو كتاب فقهي أو أي نوع من أنواع الكتب الدينية كل واحد حسب إللي معاه من فلوس يعني مصحف أتنين ثلاثة .. وأي نوع من أنواع الكتب إلي يحب يجيبه يجيبه وبعد كده يتبرع بيه لمسجد أو جمعيه أو أو أو أي مكان المقصود انه يبقي لينا في الدنيا حاجه بعد ما نموت نثاب عليها طبعا إلي هيقرأ في مصحف أنت شريه أنت هتا خد ثواب حتي لو ميت .. والعداد يعد بس النية يا شباب النية اخلصوا العمل لله علشان ربنا يتقبل بإذن الله .............


منقول