تخفيض الخدمه العسكريه للأطباء ورفع المرتبات

نطالب برفع مرتب الطبيب المصرى
احنا مش هنطالب بحقوقنا دلوقتي هنستني لما اوضاع البلد تهدي واحنا ضد اى اضرابات او اعتصامات لاننا بنحب بلدنا ومش هنستغل الفتره الصعبه دى ونضرها وكمان لاننا الفئة الوحيدة اللي مينفعش تعمل ده لان ضميرنا صاحى عشان المريض الغلبان ملوش ذنب وامانة ف رقبتنا احنا بس... بنتجمع دلوقتي ونحدد مطالبنا ونجمع ارائنا ولما الامور تهدي هنعرض كل طلباتنا علي الحكومة الجديدة باذن الله مطالبنا تتمثل في 1- اعادة النظر في مرتب الطبيب المصري الذي لا يرقي باي شكل من الاشكال للجهد الذي يبذله ومقارنة بباقي دول العالم المتخلف قبل المتقدم فان ما يحصل عليه الطبيب لا يتعدي 400 جنيه !!! عاوزين حد ادني لمرتب الطبيب بحسب دراسه للدكتور احمد السيد النجار بمجرد اعادة توزيع المرتبات فى وزارة الصحة يمكن بكل سهولة الوصول لمرتب 10 الاف جنيه للطبيب المصرى فى المتوسط او 7000 جنيه كحد ادنى بمجرد التفكير ان كل مستشار من مستشارى وزير الصحه راتبه 150 الف جنيه فى الشهر ووكلاء الوزارة وغيرهم مع السرقه والاهدار الشديد فى الاموال العامه ومع العلم ان اعداد الاطباء المصريين لا تتجاوز 300 الف طبيب يمكن ان تتخيل سهولة الوصول لراتب 10 الاف جنيه كمتوسط لمرتبات الاطباء مع العلم ايضا ان مع هذا المرتب نظل الاقل على مستوى العالم المتقدم والمتخلف فى مرتبات الاطباء بمرتب اقل من 2000 دولار فى الشهر 2- نرجو اعادة النظر في مدة الخدمة العسكرية ونطالب بان تخفض لسنة واحدة تقديرا لظروف الطبيب احنا 7 سنين مش 4 او 5 لما نضيف عليهم 3 سنين خدمة عسكرية هنبدا حياتنا امتي مع العلم ان ده مش تهرب من الخدمة العسكرية لاننا مبنقولش تتلغى هو العمر فيه كام سنه بس ؟ 3- نطلب السماح بالبدأ في تحضير الماجستير بعد التخرج مباشرة لنفس الفكره وهى لماذا التأخير سنتين ؟؟؟؟؟؟؟؟؟؟؟؟ حقوقنا مشروعة وهي ليست مطالب انما هي حقوق وسنسعي جاهدين للوصول اليها بس عايزين كلنا نبقي ايد واحدة ونتجمع عشان صوتنا يوصل
كتب هذا الموضوع بصفحته على الفيس بوك
دكتور: محمد العبد الشوربجى