ماني خوي ابليس ياحضرة ابليس

اخترت لكم قصيده من قصائد شاعر المفضل ارهابي الساحه سالم بن محمد اليامي





اصد عن كل الوجيه المعابيس
واجنب دروب الردى والجهاله
ماهو بخوف الا بجسمي حواسيس
واقدر العربان في كل حاله
حشّمت نفسي عن دروب الدنافيس
وكرمت هرجي والثعاله ثعاله
ولو أنها وصلت لضرب المتاريس
كان اصغر اخواني يطّوح عقاله
لكن على الله يازمان الجواسيس
لا والله الا يازمان الحثاله
مبداك متوصخ ومليان تدنيس
وضاعت حقوق الطبع بين العماله
وحريت التعبير عند الجواميس
اخذ وعطا وبكل يسر وسهاله
وحنا علينا القيد ملوي يابرديس
مكلبشين اطرافنا بالبطاله
احس صدري صاير يخيس ويخيس
من واقع علوم الزمان وحواله
وهموم بقعى فوق صدري مكاديس
تكدست بين اليمين وشماله
تكفون فكوّ من يدينه محابيس
ياهل الشكاله وين عصر الشكاله
ماني خوي ابليس ياحضرة بليس
انا خوي اهل السمو والجلاله
وماني خوي اهل الغنى والمراويس
انا خوي المذن وراس ماله
نعيش في واقع علومه متاعيس
كن الزمن صابه عروق النذاله
وعصر المهلهل راح مع عصر بلقيس
وهذا العصر عصر الردى والظلاله
وهذا زمان ملفلفين القراطيس
ماهو زمان اهل القنص والجزاله
وهذا عصر لكياس ياجاهل الكيس
انت وابوك وجد جدك حلاله
ولا صار قول الحق خلف الكواليس
الله يعجل بالزمان وزواله
وفيه امنيه والله عضيد المفاليس
لكن اخاف تكون شبه استحاله
يرجع زمان اهل الرمك والفواريس
ونشوف من فعله ينومس خواله

منقول