طريقة عمل "أم على"

طريقة عمل "أم على"

ام على
كتبت رضوى الشاذلى

تقدم لنا الشيف سناء السعيد طريقة عمل "أم على".

المقادير:

5 أكواب لبن.
5 رقائق جلاش.
2 معلقة كبيرة زبد.
3 معالق كبيرة كريمة لبانى.
نصف كوب زبيب.
ربع كوب بندق.
ربع كوب لوز.

الطريقة:

1 - ضعى الجلاش على صاج أو صينية للفرن وحمصيه فى الفرن.
2 - أحضرى البندق واللوز وحطيهم على صاج أو صينية للفرن، وحمصيهم فى الفرن لمدة 4 دقائق.
3 - فى الوقت اللى أنتِ بتحمّصى فيه المكسرات سخنى اللبن.
4 - قطعى رقائق الجلاش إلى قطع متوسطة وحطيها فى طاجن كبير، وضيفى إليها البندق واللوز والزبيب وبعد كده حطى اللبن فى ثلثين الطاجن.
5 - سخنى الفرن حتى درجة حرارة متوسطة (200 مئوية)، وحطى الطاجن فى الفرن لمدة 15 دقيقة أو لغاية ما تلاقى إن رقائق الجلاش بدأت فى امتصاص اللبن.
6 - خرجيه من الفرن وضيفى إليه الزبدة والكريمة من على الوش، ودخليه الفرن تانى لمدة 20 دقيقة أخرى.